Prime Minister: ఈ-సిగరెట్లు కూడా ఆరోగ్యానికి హానికరమే: ప్రధాని మోదీ
- అందుకే, ఈ-సిగరెట్లపై నిషేధం విధించాం
- యువకులు పొగాకు వినియోగానికి దూరంగా ఉండాలి
- దేశ ప్రజలంతా సంతోషంగా ఉండాలని దుర్గామాతను కోరుకుంటున్నా
ఈ- సిగరెట్లు ఆరోగ్యానికి హాని చేయవన్న అపోహ చాలా మందిలో ఉందని, వాటికి దూరంగా ఉండాలని ప్రధాని మోదీ పిలుపు నిచ్చారు. ‘మన్ కీబాత్’ కార్యక్రమంలో భాగంగా ఈరోజు ఆయన మాట్లాడుతూ, అందుకే, ఈ-సిగరెట్ల అమ్మకాలు, విక్రయాలపై నిషేధం విధించామని చెప్పారు. యువకులు పొగాకు వినియోగానికి దూరంగా ఉండాలని సూచించారు. నేటి నుంచి శరన్నవరాత్రుళ్లు ప్రారంభం సందర్భంగా దేశ ప్రజలకు ఆయన శుభాకాంక్షలు తెలిపారు. ప్రజలంతా సంతోషంగా ఉండాలని దుర్గామాతను కోరుకుంటున్నట్టు చెప్పారు.
