Harish Rao: ఆంధ్రా బ్యాంకు పేరు పోవడం బాధగా ఉంది: హరీశ్ రావు
- బ్యాంకుల విలీనంపై స్పందించిన తెలంగాణ ఆర్థికమంత్రి
- ఆంధ్రా బ్యాంకు కొనసాగాలని కేసీఆర్ కూడా భావిస్తున్నారన్న హరీశ్
- ఎక్కువ ఖాతాలు ఉన్న బ్యాంకు ఆంధ్రా బ్యాంక్ అంటూ వెల్లడి
తెలంగాణ రాష్ట్ర ఆర్థికమంత్రి తన్నీరు హరీశ్ రావు బ్యాంకుల విలీనం అంశంపై స్పందించారు. విలీనం కారణంగా ఆంధ్రా బ్యాంకు పేరు పోవడం బాధగా ఉందని అన్నారు. ఈ విషయంలో సీఎం కేసీఆర్ కూడా అసంతృప్తితో ఉన్నారని హరీశ్ తెలిపారు. ఆంధ్రా బ్యాంకు పేరు కొనసాగాలన్నదే సీఎం కేసీఆర్ అభిమతం అని స్పష్టం చేశారు. ఎక్కువ ఖాతాలు ఉన్న బ్యాంక్ ఆంధ్రా బ్యాంకు అని, ఆంధ్రా బ్యాంకు, స్టేట్ బ్యాంక్ ఆఫ్ హైదరాబాద్ లతో తెలుగు ప్రజలకు అనుబంధం ఉందని తెలిపారు. బూర్గుల రామకృష్ణారావు భవన్ లో ఆంధ్రా బ్యాంక్ సెక్రటేరియట్ బ్రాంచ్ ను ప్రారంభించిన సందర్భంగా హరీశ్ రావు ఈ వ్యాఖ్యలు చేశారు.