mallikharjuna kharge: ప్రభుత్వ ఏర్పాటుపై ఎన్సీపీతో చర్చిస్తున్నాం: మల్లికార్జున ఖర్గే
- ఎన్నికలకు ముందే కాంగ్రెస్-ఎన్సీపీ పొత్తు
- ప్రభుత్వ ఏర్పాటు విషయంలో కలిసికట్టుగా నిర్ణయం తీసుకుంటాం
- చర్చల అనంతరమే ఓ నిర్ణయంపై ముందుకు వెళతాం
మహారాష్ట్రలో నేషనలిస్ట్ కాంగ్రెస్ పార్టీతో కలిసి తాము ప్రభుత్వం ఏర్పాటు చేసే విషయంపై కాంగ్రెస్ సీనియర్ నేత మల్లికార్జున ఖర్గే స్పందించారు. ఈ రోజు ఆయన మీడియాతో మాట్లాడుతూ... 'ఎన్నికలకు ముందే కాంగ్రెస్-ఎన్సీపీ పొత్తు పెట్టుకున్నాయి. ప్రభుత్వ ఏర్పాటు విషయంలో కలిసికట్టుగా నిర్ణయం తీసుకుంటాం. ఎన్సీపీతో చర్చలు జరుపుతున్నాం. చర్చల అనంతరమే ఏదైనా ఓ నిర్ణయంపై ముందుకు వెళతాం' అని అన్నారు.
'కాంగ్రెస్ అధినేత్రి సోనియా గాంధీ, ఎన్సీపీ అధినేత శరద్ పవార్ కూడా చర్చలు జరిపారు. మరిన్ని చర్చలు జరపాల్సి ఉంది. ఓ నిర్ణయం తీసుకొని ప్రకటిస్తాం' అని మల్లికార్జున ఖర్గే చెప్పారు. కాగా, శరద్ పవార్ తో చర్చల బాధ్యతలను కాంగ్రెస్ పార్టీ తమ సీనియర్ నేతలకు అప్పగించిన విషయం తెలిసిందే. ఆయనతో చర్చించేందుకు అహ్మద్ పటేల్, మల్లికార్జున ఖర్గే, వేణుగోపాల్.. ముంబయి వెళ్లారు.