Andhra Pradesh: ఏపీ శాసనమండలిలో ఆరు కీలక బిల్లులకు సభ్యుల ఆమోదం
- కొనసాగుతున్న మండలి సమావేశాలు
- 11 బిల్లులు ప్రవేశపెట్టిన సర్కారు
- ఆమోదం పొందని బిల్లులపై రేపు చర్చ
ఏపీ శాసనమండలిలో ఆరు కీలక బిల్లులకు సభ్యులు సానుకూలంగా స్పందించారు. మండలి సమావేశాల సందర్భంగా ప్రభుత్వం ప్రవేశపెట్టిన ఈ బిల్లులు సభ్యుల ఆమోదం పొందాయి. మొత్తం 11 బిల్లులు ప్రవేశపెట్టగా సుదీర్ఘ చర్చ అనంతరం 6 బిల్లులకు పచ్చజెండా ఊపారు. మిగిలిన బిల్లులపై రేపు చర్చ కొనసాగనుంది.
ఆమోదం పొందిన బిల్లులు ఇవే...
- ఏపీ ఎక్సైజ్ చట్టం సవరణ బిల్లు
- ఏపీ పాఠశాల విద్యా క్రమబద్ధీకరణ, పర్యవేక్షణ కమిషన్ చట్టం సవరణ బిల్లు
- ఏపీ దిశ చట్టం- మహిళలు, బాలికలపై నిర్దేశిత నేరాలపై ఆంధ్రప్రదేశ్ ప్రత్యేక న్యాయస్థానం చట్టం 2019 బిల్లు
- ఏపీ ధార్మిక, హిందూ మత సంస్థల దేవాదాయ చట్టం సవరణ బిల్లు
- ఏపీ దిశ చట్టం-క్రిమినల్ శాసనచట్టం 2019 బిల్లు
- ఏపీ సాంస్కృతిక, వారసత్వపు బోర్డు చట్టం సవరణ బిల్లు