Haryana: కిడ్నాప్ యత్నం విఫలం.. యువతి ముక్కు కోసిన దుండగులు!
- హరియాణాలోని చక్కర్‌పూర్‌లో ఘటన
- కిడ్నాప్ యత్నాన్ని అడ్డుకున్న యువతి, కుటుంబ సభ్యులు
- దాడిలో తెగిపడిన ముక్కు భాగం
యువతిని కిడ్నాప్ చేసేందుకు చేసిన ప్రయత్నం విఫలం కావడంతో ఆమె ముక్కు కోసి పరారయ్యారు దుండగులు. హరియాణాలోని గురుగ్రామ్‌లో జరిగింగీ ఘటన. చక్కర్‌పూర్‌కు చెందిన ఐదుగురు రౌడీలు ఓ యువతి ఇంట్లోకి ప్రవేశించారు. ఆమెను కిడ్నాప్ చేసేందుకు ప్రయత్నించారు. యువతి, కుటుంబ సభ్యులు గట్టిగా ప్రతిఘటించడంతో వారి ప్రయత్నం ఫలించలేదు.
దీంతో వెంట తెచ్చుకున్న ఆయుధంతో యువతి ముక్కు కోశారు. దీంతో ముక్కు నుంచి ఓ ముక్క ఊడి పడింది. అడ్డువచ్చిన కుటుంబ సభ్యులపైనా దాడిచేసి పరారయ్యారు. ఈ ఘటనను మొత్తం చుట్టుపక్కల వారు చూస్తున్నా ఎవరూ అడ్డుకోవడానికి ప్రయత్నించలేదు. రౌడీలుగా పేరున్న వారంటే గ్రామస్థులకు భయం కావడంతోనే ఎవరూ ముందుకు వెళ్లలేదని తెలుస్తోంది. ఈ ఘటనపై కేసు నమోదు చేసుకున్న పోలీసులు నిందితుల కోసం గాలిస్తున్నారు.