TRS: మున్సిపల్ ఎన్నికల అభ్యర్థులను శిబిరాల్లో ఉంచాలని టీఆర్ఎస్ నిర్ణయం!
- రేపు తెలంగాణలో మున్సిపల్ ఎన్నికల ఓట్ల లెక్కింపు
- ఉదయం 8 గంటల నుంచి కౌంటింగ్
- ఎమ్మెల్యేలకు విప్ జారీ చేసే అధికారం ఇచ్చిన సీఎం కేసీఆర్
తెలంగాణలో రేపు మున్సిపల్ ఎన్నికల ఓట్ల లెక్కింపు జరగనుంది. ఈ నేపథ్యంలో మున్సిపల్ ఎన్నికల్లో పోటీ చేసిన తమ అభ్యర్థులను శిబిరాల్లో ఉంచాలని టీఆర్ఎస్ పార్టీ భావిస్తోంది. అభ్యర్థులను రెండ్రోజుల పాటు క్యాంపుల్లో ఉంచాలని పార్టీ హైకమాండ్ ఆదేశించింది. ఈ క్రమంలో సీఎం కేసీఆర్ ఎమ్మెల్యేలకు విప్ జారీ చేసే అధికారం ఇచ్చారు. తెలంగాణలో రేపు ఉదయం 8 గంటల నుంచి కౌంటింగ్ జరగనుంది. ఈ నెల 27న మేయర్, చైర్మన్ల ఎన్నిక ఉంటుంది. ఈ క్రమంలో, గెలిచిన అభ్యర్థులు ప్రత్యర్థి పార్టీల వలలో పడకుండా ఉండేందుకే టీఆర్ఎస్ క్యాంపు రాజకీయాలకు నిశ్చయించినట్టు తెలుస్తోంది.
