Arvind Kejriwal: ఢిల్లీ సీఎం కేజ్రీవాల్ కు ఈసీ నోటీసులు!
- కేజ్రీవాల్ పోస్ట్ చేసిన వీడియోపై అభ్యంతరం
- ఎన్నికల కోడ్ ఉల్లంఘించేలా ఉందన్న ఈసీ
- రేపటి లోగా సమాధానం ఇవ్వాలని నోటీసులు
ఢిల్లీ అసెంబ్లీ ఎన్నికల పోలింగ్ రేపు జరగనున్న నేపథ్యంలో ఆశ్చర్యకర సంఘటన చోటుచేసుకుంది. సీఎం కేజ్రీవాల్ కు ఎన్నికల సంఘం నోటీసులు జారీ చేసింది. కేజ్రీవాల్ తన ట్విట్టర్ ఖాతా వేదికగా పోస్ట్ చేసిన ఓ వీడియోపై అభ్యంతరం తెలుపుతూ ఈ నోటీసులు జారీ చేసినట్టు సమాచారం. ఎన్నికల కోడ్ ఉల్లంఘించేలా ఈ వీడియో ఉందని, రేపటి లోగా సమాధానం ఇవ్వాలని కేజ్రీవాల్ ని ఈసీ ఆదేశించినట్టు తెలుస్తోంది.
