Sankara Narayana: అనంతపురం జిల్లాలో వైసీపీ మంత్రికి చేదు అనుభవం
- సోమందేపల్లిలో మంత్రి శంకర్ నారాయణకు వ్యతిరేకంగా రైతుల నిరసన
- భూములకు పట్టాలు ఇప్పిస్తానని చెప్పి మాట తప్పారంటూ ఆగ్రహం
- రైతులను అదుపులోకి తీసుకున్న పోలీసులు
ఏపీ మంత్రి శంకర్ నారాయణకు చేదు అనుభవం ఎదురైంది. అనంతపురం జిల్లా సోమందేపల్లిలో మంత్రికి వ్యతిరేకంగా రైతులు నినాదాలు చేశారు. ప్రతిపక్షంలో ఉన్నప్పుడు భూములకు పట్టాలు ఇప్పిస్తానని చెప్పి... అధికారంలోకి రాగానే మాట తప్పారని ఈ సందర్భంగా రైతులు ఆగ్రహం వ్యక్తం చేశారు. సీపీఐ ఆధ్వర్యంలో రైతులు ఆందోళనకు దిగారు. రంగంలోకి దిగిన పోలీసులు ఆందోళన చేస్తున్న రైతులను అదుపులోకి తీసుకున్నారు. ఈ నేపథ్యంలో, గ్రామంలో తీవ్ర ఉద్రిక్త పరిస్థితులు నెలకొన్నాయి.
