Rahul Gandhi: మరోసారి ఆ మాటెత్తొద్దు: పార్టీ సీనియర్ నేతలకు రాహుల్ గాంధీ క్లాస్
- పార్టీ చీఫ్ పదవిపై ప్రశ్నలు అడగొద్దని సూచన
- మధ్యప్రదేశ్ సంక్షోభం నేపథ్యంలో ప్రస్తావించిన నేతలు
- అయినా స్పందించని రాహుల్ గాంధీ
కాంగ్రెస్ పార్టీ అధ్యక్ష పదవికి సంబంధించి మరోసారి ప్రశ్నించవద్దని రాహుల్ గాంధీ ఆ పార్టీ సీనియర్ నేతలకు స్పష్టం చేసినట్టు తెలిసింది. తాను ఇప్పటికే రాజీనామా చేశానని, తన ఉద్దేశం ఏమిటో స్పష్టంగానే చెప్పేశానని ఆయన పేర్కొన్నారని పార్టీ వర్గాలు వెల్లడించాయి. మధ్యప్రదేశ్ లో కాంగ్రెస్ సర్కారు సంక్షోభంలో పడిన నేపథ్యంలో కాంగ్రెస్ పార్టీ సీనియర్ నేతలు సమావేశమయ్యారు. ఈ సందర్భంగా పార్టీ అధ్యక్ష పదవి అంశం ప్రస్తావనకు వచ్చినట్టు కాంగ్రెస్ వర్గాలు చెప్పాయి. వారిని ఉటంకిస్తూ ఆంగ్ల మీడియా దీనిపై కథనం ప్రచురించింది.
