Nara Lokesh: నియంతను కట్టడి చేద్దాం...ఆంధ్రప్రదేశ్ ని కాపాడుకుందాం: నారా లోకేశ్
- ‘స్థానిక’ ఎన్నికల నేపథ్యంలో విమర్శలు
- ఒక్క ఛాన్స్ అడిగాడు.. నట్టేట ముంచాడు’
- ఈ 10 అంశాలపై ఆలోచించిన తర్వాతే ‘ఓటు’ వేయండి
ఏపీలో త్వరలో స్థానిక సంస్థల ఎన్నికలు జరగనున్న నేపథ్యంలో అధికార, ప్రతిపక్ష పార్టీలు పరస్పరం విమర్శలు, ఆరోపణలు చేసుకోవడం ప్రారంభమైంది. ఈ ఎన్నికల్లో తమ పార్టీకే ‘ఓటు’ వేయాలని ఆయా పార్టీల నేతలు కోరుకుంటున్నారు. తాజాగా, టీడీపీ నేత నారా లోకేశ్ ఓ ట్వీట్ చేశారు. ‘నియంతను కట్టడి చేద్దాం.. ఆంధ్రప్రదేశ్ ని కాపాడుకుందాం’ అంటూ పోస్ట్ చేసిన లోకేశ్, ‘ఒక్క ఛాన్స్ అడిగాడు.. నట్టేట ముంచాడు.. విధ్వంసం చేశాడు’ అంటూ పరోక్షంగా సీఎం జగన్ పై విమర్శలు చేశారు. ఈ పది అంశాలపై ప్రజలు ఆలోచించిన తర్వాతే ‘ఓటు’ వేయండి అంటూ ఆ జాబితాను పొందుపరిచారు.