sai dharam tej: థ్యాంక్యూ పవన్ మామా: సాయితేజ్ అమితానందం
- మెగాహీరో సాయితేజ్ కొత్త సినిమా షూటింగ్ ప్రారంభం
- హైదరాబాద్‌లో పూజా కార్యక్రమం
- ముఖ్య అతిథిగా హాజరై క్లాప్‌ కొట్టిన పవన్
మెగాహీరో సాయితేజ్ కొత్త సినిమా షూటింగ్ ఈ రోజు ప్రారంభమైంది. హైదరాబాద్‌లో ఈ సినిమా పూజా కార్యక్రమం జరిగింది. ఈ సందర్భంగా పవర్ స్టార్ పవన్ కల్యాణ్‌ ముఖ్య అతిథిగా హాజరై క్లాప్‌ కొట్టారు. ఈ సందర్భంగా సాయితేజ్ ట్వీట్ చేశాడు.
'ఈ ఆనందాన్ని వ్యక్తం చేయడానికి ఏ పదాలూ సరిపోవట్లేవు. థ్యాంక్యూ సో మచ్‌ పవన్ కల్యాణ్‌ మామా..' అని పేర్కొన్నారు. దేవ కట్టా దర్శకత్వంలో రూపుదిద్దుకుంటోన్న ఈ సినిమాకు పవన్ క్లాప్‌ కొట్టారని, అందరి ఆశీర్వాదాలు కావాలని ఆయన కోరాడు.
దేవ కట్టా దర్శకత్వంలో సాయితేజ్ ఈ సినిమాలో నటిస్తున్నారు. రాజకీయ కథాంశం నేపథ్యంలో రూపుదిద్దుకోనున్న ఈ సినిమాలో సాయితేజ్ సరసన నివేదా పేతురాజ్ హీరోయిన్‌గా నటిస్తోంది. ఈ సినిమాలో జగపతి బాబు, రమ్యకృష్ణ కీలక పాత్రల్లో నటిస్తున్నారు.