sukma encounter: దేశాన్ని లోపలి నుంచి నాశనం చేసే వైరస్‌లెన్నో: గంభీర్​

ఒక్క కరోనానే కాదని దేశంలో మరెన్నో వైరస్‌లు ఉన్నాయని మాజీ క్రికెటర్, బీజేపీ ఎంపీ గౌతమ్‌ గంభీర్ అన్నారు. ఛత్తీస్‌గఢ్‌ లో  17 మంది పోలీసులను నక్సల్స్‌ కాల్చి చంపిన ఘటనపై గంభీర్ పైవిధంగా స్పందించారు. సుక్మా జిల్లాలో శనివారం జరిగిన ఈ ఎదురుకాల్పుల్లో పెద్ద సంఖ్యలో భద్రతా సిబ్బంది ప్రాణాలు కోల్పోయారు. దీనిపై గంభీర్ విచారం వ్యక్తం చేశారు.

దేశాన్ని లోపలి నుంచి నాశనం చేసే ఎన్నో వైరస్‌లు ఉన్నాయని ఈ దాడి నిరూపించిందన్నారు. 17 మంది ధైర్యవంతుల మృతదేహాలు లభ్యమయ్యాయని, వారి ఆత్మకు శాంతి చేకూరాలని ప్రార్థిస్తున్నా అని తెలిపారు. వారి త్యాగాన్నిఎన్నటికీ మరవలేమని ట్వీట్‌ చేశారు.