Tirumala: ఖాళీగా ఉన్న తిరుమల వీధుల్లో చిరుతలు, ఎలుగుబంట్ల సంచారం
- కరోనా ప్రభావంతో తిరుమల క్షేత్రం మూసివేత
- నిర్మానుష్యంగా మారిన మాడవీధులు
- రాత్రివేళల్లో క్రూరమృగాల సంచారం
కరోనా భయంతో తిరుమల పుణ్యక్షేత్రానికి భక్తుల రాకను నిలిపివేసిన సంగతి తెలిసిందే. దాంతో కొన్నిరోజులుగా తిరుమల క్షేత్రం బోసిపోయినట్టు కనిపిస్తోంది. నిత్యం భక్తజనసందోహంతో కోలాహలంగా ఉండే మాడవీధులు వెలవెలబోతున్నాయి. ఈ నేపథ్యంలో ఖాళీగా ఉన్న తిరుమల వీధుల్లో క్రూరమృగాలు సంచరిస్తున్నాయి. రాత్రివేళల్లో కల్యాణవేదిక, నారాయణగిరి, ముల్లగుంట ప్రాంతాల్లో చిరుతపులులు, ఎలుగుబంట్లు సంచరిస్తున్నట్టు గుర్తించారు. జంతువుల సంచారంతో విజిలెన్స్ అధికారులు అప్రమత్తమయ్యారు. తిరుమల కొండపై ఉన్న స్థానికులు ఇళ్లకే పరిమితం కావాలని అధికారులు సూచించారు.