naga babu: మా ప్రజలందరినీ తన్ని బాధ్యతలు నేర్పించండి: నాగబాబు
- ప్రొఫెసర్ దాస్ గారు అన్నమాట నాకు చాలా నచ్చింది
- మనం ప్రజలకి హక్కులు నేర్పాము, బాధ్యతలు నేర్పలేదు
- ఇది అక్షర సత్యం.. ఈ తప్పు ప్రభుత్వం వారిదే
కరోనా విజృంభణ నేపథ్యంలో ఒక ప్రొఫెసర్ టీవీలో చెప్పిన ఓ వ్యాఖ్య తనకు బాగా నచ్చిందని జనసేన నేత, సినీనటుడు నాగబాబు అన్నారు. ప్రజలందరికీ బాధ్యతలు కూడా నేర్పించాలని ఆయన ట్వీట్ చేశారు.
'ప్రైమ్ 9 న్యూస్ లో ఎవరో ప్రొఫెసర్ దాస్ గారు అన్నమాట నాకు చాలా నచ్చింది. మనం ప్రజలకి హక్కులు నేర్పాము. బాధ్యతలు నేర్పలేదు అన్నారు. ఇది అక్షర సత్యం. ఈ తప్పు ప్రభుత్వం వారిదే. మా జనాలకి బాధ్యతలు నేర్పే టైం వచ్చింది. నేను కూడా అతీతుడ్ని కాదు. మా ప్రజలందరినీ తన్ని బాధ్యతలు నేర్పించండి. నేర్చుకుంటాం..' అని నాగబాబు చెప్పారు.
