Sensex: బ్యాంకింగ్ స్టాకులపై ఒత్తిడి.. నష్టాల్లో ముగిసిన మార్కెట్లు
- ప్రారంభంలో భారీ లాభాలు.. తర్వాత నష్టాలు
- 310 పాయింట్లు నష్టపోయిన సెన్సెక్స్
- 68 పాయింట్లు కోల్పోయిన నిఫ్టీ
దేశీయ స్టాక్ మార్కెట్లు ఈరోజు నష్టాల్లో ముగిశాయి. ఈరోజు ట్రేడింగ్ ప్రారంభమైన వెంటనే అంతర్జాతీయ మార్కెట్ల సానుకూలతల ప్రభావంతో దేశీయ మార్కెట్లు భారీ లాభాల్లోకి వెళ్లాయి. ఒకానొక సమయంలో సెన్సెక్స్ 878 పాయింట్ల వరకు లాభపడింది. అయితే ఆ తర్వాత ఇన్వెస్టర్లు ప్రాఫిట్ బుకింగ్ కు మొగ్గుచూపారు. ఈ నేపథ్యంలో బ్యాంకింగ్, ఆటో షేర్లు తీవ్ర ఒత్తిడిని ఎదుర్కొన్నాయి. దీంతో, ఈరోజు ట్రేడింగ్ ముగిసే సమయానికి సెన్సెక్స్ 310 పాయింట్లు నష్టపోయి 30,379కి పడిపోయింది. నిఫ్టీ 68 పాయింట్లు కోల్పోయి 8,925కి దిగజారింది.
బీఎస్ఈ సెన్సెక్స్ టాప్ గెయినర్స్:
హిందుస్థాన్ యూనిలీవర్ (6.07%), హెచ్సీఎల్ టెక్నాలజీస్ (4.95%), ఐటీసీ (4.29%), నెస్లే ఇండియా (4.27%), అల్ట్రాటెక్ సిమెంట్ (3.77%).
టాప్ లూజర్స్:
కోటక్ మహీంద్రా బ్యాంక్ (-6.23%), హీరో మోటోకార్ప్ (-4.76%), బజాజ్ ఫైనాన్స్ (-4.63%), హెచ్డీఎఫ్సీ లిమిటెడ్ (-3.61%), హెచ్డీఎఫ్సీ బ్యాంక్ (-3.57%).