CM KCR: తెలంగాణ సీఎం అత్యవసర సమీక్ష.. మధ్యాహ్నం 2 గంటలకు సమావేశం
- కరోనా కేసుల విస్తరణ, నివారణ అంశాలపై చర్చ
- రేపు కేబినెట్ సమావేశంలో నిర్ణయాల పైనా...
- హాజరు కావాలని పలు విభాగాల అధికారులకు సమాచారం
తెలంగాణలో కరోనా వైరస్ విస్తరిస్తుండడం, కేసుల సంఖ్య పెరుగుతున్న నేపథ్యంలో ముఖ్యమంత్రి కేసీఆర్ ఈరోజు మధ్యాహ్నం 2 గంటలకు అత్యవసర సమీక్షా సమావేశం నిర్వహించాలని నిర్ణయించారు. రేపు కేబినెట్ సమావేశం జరగనున్న నేపథ్యంలో ఈ సమీక్షా సమావేశం ప్రాధాన్యం సంతరించుకుంది.
ఈ సమీక్షకు హాజరు కావాల్సిందిగా వివిధ విభాగాల అధికారులకు ఇప్పటికే సమాచారం వెళ్లింది. కరోనా కట్టడికి తీసుకునే చర్యలతోపాటు, రేపు కేబినెట్ సమావేశంలో తీసుకోవాల్సిన నిర్ణయాలు, 20వ తేదీ తర్వాత లాక్ డౌన్ కు సడలింపు ఇవ్వాలన్న అంశాలపైనా చర్చించే అవకాశం ఉంది.
