srimukhi: ప్రముఖ యాంకర్ శ్రీముఖిపై కేసు నమోదు!
- బ్రాహ్మణులను కించపరిచేలా వ్యాఖ్యలు చేసినట్టు ఆరోపణ
- శ్రీముఖితో పాటు టీవీ ఛానెల్ యాజమాన్యంపైనా ఫిర్యాదు
- నల్లకుంటకు చెందిన వ్యక్తి ఫిర్యాదుతో కేసు నమోదు
ప్రముఖ టీవీ యాంకర్ శ్రీముఖిపై బంజారా హిల్స్ పోలీస్ స్టేషన్ లో కేసు నమోదు చేశారు. ఓ టీవీ ఛానెల్ షో లో యాంకర్ గా వ్యవహరించిన శ్రీముఖి, బ్రాహ్మణుల మనోభావాలు దెబ్బతినేలా, కించపరిచేలా వ్యాఖ్యలు చేసిందన్న ఆరోపణల నేపథ్యంలో ఈ కేసు నమోదైనట్టు సమాచారం. శ్రీముఖితో పాటు సదరు టీవీ ఛానెల్ యాజమాన్యంపైనా హైదరాబాద్, నల్లకుంటకు చెందిన శర్మ అనే వ్యక్తి పోలీసులకు ఫిర్యాదు చేశారు. ఈ మేరకు పోలీసులు కేసులు నమోదు చేసినట్టు సమాచారం.