YS Sharmila: మీ అందరి సందేశాలను చదవాలనుకుంటున్నాను: వైఎస్ షర్మిల
- 'నాలో.. నాతో... వైఎస్సార్' పుస్తకం రాసిన విజయమ్మ
- భర్త వైఎస్సార్ జ్ఞాపకాల నేపథ్యంలో పుస్తకం
- ఇటీవలే పుస్తకాన్ని ఆవిష్కరించిన సీఎం జగన్
ఇటీవలే వైఎస్సార్ అర్ధాంగి వైఎస్ విజయమ్మ తన భర్త జ్ఞాపకాల నేపథ్యంలో 'నాలో.. నాతో... వైఎస్సార్' అనే పుస్తకాన్ని రచించారు. ప్రస్తుతం ఈ పుస్తకం మార్కెట్లో ఉంది. ఇటీవలే వైఎస్సార్ జయంతి సందర్భంగా సీఎం జగన్ ఈ పుస్తకాన్ని ఆవిష్కరించారు. తాజాగా ఈ పుస్తకంపై వైఎస్సార్ తనయ వైఎస్ షర్మిల స్పందించారు. "అమ్మ రాసిన పుస్తకం 'నాలో.. నాతో... వైఎస్సార్' పట్ల మీ అందరి అపూర్వ స్పందన మాకు దక్కిన విశిష్ట గౌరవంగా భావిస్తున్నాం. ఆ పుస్తకంపై మీ స్పందనలను కామెంట్ల రూపంలో పంపించండి. మీ సందేశాలన్నింటినీ చదవాలనుకుంటున్నాను" అంటూ షర్మిల ట్వీట్ చేశారు.