LK Advani: ‘బాబ్రీ’ కేసులో అద్వానీ, మురళీ మనోహర్ జోషి వాంగ్మూలాలను నమోదు చేయనున్న సీబీఐ ప్రత్యేక కోర్టు
- 23న జోషి, 24న అద్వానీ వాంగ్మూలాల నమోదు
- ఆగస్టు 31లోగా బాబ్రీ కేసులో తీర్పు ఇవ్వాలంటూ గతంలో సుప్రీం ఆదేశం
- మొత్తం 32 మంది నిందితుల వాంగ్మూలాలు నమోదు చేస్తున్న ప్రత్యేక న్యాయస్థానం
అయోధ్యలో బాబ్రీ మసీదు కూల్చివేతకు సంబంధించిన కేసులో నిందితులైన బీజేపీ సీనియర్ నేత, మాజీ ఉప ప్రధాని అయిన ఎల్‌కే అద్వానీతోపాటు, ఆ పార్టీ సీనియర్ నేత మురళీ మనోహర్ జోషి వాంగ్మూలాలను సీబీఐ ప్రత్యేక కోర్టు నమోదు చేయనుంది. 23న వీడియో కాన్ఫరెన్స్ ద్వారా జోషి వాంగ్మూలాన్ని నమోదు చేయనుండగా, 24న అద్వానీ వాంగ్మూలాన్ని నమోదు చేయనున్నారు. ఈ మేరకు ప్రత్యేక న్యాయమూర్తి ఎస్‌కే యాదవ్ తన ఉత్తర్వుల్లో పేర్కొన్నారు. బాబ్రీ కూల్చివేత కేసులో ఆగస్టు 31లోగా తీర్పు ఇవ్వాల్సిందిగా ప్రత్యేక కోర్టును సుప్రీంకోర్టు గతంలో ఆదేశించింది. ఈ నేపథ్యంలో ఈ కేసులో నిందితులుగా ఉన్న 32 మంది వాంగ్మూలాలను కోర్టు నమోదు చేస్తోంది.