Sensex: మళ్లీ లాభాల బాట పట్టిన మార్కెట్లు
- 269 పాయింట్లు లాభపడ్డ సెన్సెక్స్
- 83 పాయింట్లు పెరిగిన నిఫ్టీ
- మూడు శాతానికి పైగా లాభపడ్డ ఎస్బీఐ
ఐదు రోజుల లాభాలకు బ్రేకిస్తూ నిన్న నష్టాల్లో ముగిసిన దేశీయ స్టాక్ మార్కెట్లు... ఈరోజు మళ్లీ లాభాల బాట పట్టాయి. కీలకమైన సంస్థలు త్రైమాసిక ఫలితాలను ప్రకటించనున్న నేపథ్యంలో మార్కెట్లు పాజిటివ్ గా కొనసాగాయి. ఈ నేపథ్యంలో ఈరోజు ట్రేడింగ్ ముగిసే సమయానికి సెన్సెక్స్ 269 పాయింట్లు లాభపడి 38,140కి పెరిగింది. నిఫ్టీ 83 పాయింట్లు పుంజుకుని 11,215కి చేరుకుంది.
బీఎస్ఈ సెన్సెక్స్ టాప్ గెయినర్స్:
స్టేట్ బ్యాంక్ ఆఫ్ ఇండియా (3.28%), ఐసీఐసీఐ బ్యాంక్ (2.94%), రిలయన్స్ ఇండస్ట్రీస్ (2.82%), కోటక్ మహీంద్రా బ్యాంక్ (2.14%), ఐటీసీ (2.09%).
టాప్ లూజర్స్:
యాక్సిస్ బ్యాంక్ (-3.80%), హిందుస్థాన్ యూనిలీవర్ (-1.57%), ఇన్ఫోసిస్ (-1.15%), టీసీఎస్ (-0.88%), ఎల్ అండ్ టీ (-0.50%).
