China: చైనా నావికా విన్యాసాలు.. విమాన విధ్వంసక క్షిపణుల ప్రయోగం
- 4 వేల కిలోమీటర్ల దూరంలోని లక్ష్యాలను ఛేదించగల క్షిపణులు
- నావికాదళ విన్యాసాల్లో భాగంగా తొలిసారి ప్రయోగం
- అమెరికా గూఢచార విమానాలు తిరుగుతున్నాయని ఆరోపణ
దక్షిణ చైనా సముద్రంపై ఆధిపత్యం కోసం ప్రయత్నిస్తున్న చైనా బుధవారం రెండు విమాన వింధ్వసక క్షిపణులను తొలిసారి ప్రయోగించింది. నావికాదళ విన్యాసాల్లో భాగంగా వీటిని ప్రయోగించింది. డీఎఫ్-21డి, డీఎఫ్-26డి క్షిపణలను చైనా దక్షిణ చైనా సముద్రంలోకి ప్రయోగించినట్టు ‘సౌత్ చైనా మార్నింగ్ పోస్టు’ పేర్కొంది. ఈ రెండు క్షిపణులు 4 వేల కిలోమీటర్ల దూరంలోని లక్ష్యాన్ని కూడా తుత్తునియలు చేయగలవని తెలిపింది.
కాగా, అమెరికా గూఢచార విమానాలు వివాదాస్పద భూభాగంలో తిరుగుతున్నాయని ఈ సందర్భంగా చైనా ఆరోపించింది. వాటిని హెచ్చరించేందుకే వీటిని ప్రయోగించినట్టు తెలుస్తోంది. దక్షిణ చైనా సముద్రంపై తమకు పూర్తి అధికారాలున్నాయని చైనా పేర్కొంది. అయితే, చైనా ప్రకటనపై వియత్నాం, మలేసియా, ఫిలిప్పీన్స్, బ్రూనే, తైవాన్‌లు విభేదిస్తున్నాయి.