Nagarjuna: నాగార్జున బ‌ర్త్ డే సందర్భంగా ‘వైల్డ్ డాగ్‌’ పోస్టర్ విడుదల..పవర్ ఫుల్ ఆఫీసర్‌గా నాగ్
- అహిషోర్ సాల్మోన్ ద‌ర్శ‌క‌త్వంలో ‘వైల్డ్ డాగ్‌’
- ఎన్ఐఏ ఆఫీస‌ర్ విన‌య్ వ‌ర్మ‌గా నాగ్
- 'రా' అధికారిణిగా హీరోయిన్ ఆర్య పండిత్
ఈ రోజు సినీనటుడు నాగార్జున పుట్టిన‌రోజు సందర్భంగా ఆయన కొత్త సినిమా ‘వైల్డ్ డాగ్‌’ నుంచి అభిమానులకు సర్‌ఫ్రైజ్‌ వచ్చేసింది. ఈ సినిమా పోస్ట‌ర్‌ను ఆ సినిమా బృందం విడుదల చేసింది. అహిషోర్ సాల్మోన్ ద‌ర్శ‌క‌త్వంలో నాగార్జున ఈ సినిమాలో నటిస్తున్నారు.
మ్యాట్నీ ఎంట‌ర్‌టైన్‌మెంట్ బ్యాన‌ర్‌పై నిరంజన్ రెడ్డి ఈ సినిమాను నిర్మిస్తున్నారు. పవర్ ఫుల్ ఎన్ఐఏ ఆఫీస‌ర్ విన‌య్ వ‌ర్మ‌గా ఆయన ఈ సినిమాలో క‌నిపిస్తారు. ఈ సినిమాలోని ఇతర కీలక పాత్రల్లో నటిస్తోన్న నటుల వివరాలను కూడా పోస్టర్‌లో ఆ సినిమా యూనిట్‌ వెల్లడించింది.
ఈ పోస్టర్‌లో నాగార్జున ఏకే-47ను గురిపెట్టి సీరియల్ లుక్‌లో కనపడుతున్నారు. కాగా, ఈ సినిమాలో హీరోయిన్ ఆర్య పండిత్ 'రా' అధికారిణిగా, బిగ్‌బాస్ ఫేమ్ అలీ రెజా కూడా ఎన్ఐఏ అధికారిగా కనపడనున్నారు.
