Rashmi Gautam: 'బొమ్మ బ్లాక్ బస్టర్'లో పోతురాజు ల‌వర్ వాణిగా రష్మీ.. త‌ల‌పై కిరీటంతో ఫ‌స్ట్ లుక్!
- నందు, రష్మీ గౌతమ్ జంటగా సినిమా
- పోతురాజు పాత్ర‌లో నందు
- ఆక‌ర్షిస్తోన్న సినిమా పోస్ట‌ర్లు
టాలీవుడ్ న‌టులు నందు, రష్మీ గౌతమ్ జంటగా రాజ్‌ విరాఠ్‌ దర్శకత్వంలో రూపుదిద్దుకుంటోన్న 'బొమ్మ బ్లాక్ బస్టర్' సినిమా ఫస్ట్‌లుక్‌ను ఆ సినిమా యూనిట్ ఇటీవ‌ల విడుదల చేసిన విష‌యం తెలిసిందే. ఇందులో నందు పోతురాజుగా, దర్శకుడు పూరీ జగన్నాథ్‌కు ఫ్యాన్‌గా కనపడతాడని ఆ సినిమా యూనిట్ ప్రకటించింది.
తాజాగా, పోతురాజు గాడి ల‌వర్ వాణి అంటూ రష్మీ గౌతమ్ లుక్ ను ఆ సినీ యూనిట్ విడుదల చేసింది. త‌ల‌పై కిరీటం పెట్టుకుని చిరున‌వ్వులు చిందిస్తూ క‌న‌ప‌డుతున్న రష్మీ లుక్ అభిమానుల‌ను ఆక‌ర్షిస్తోంది. కాగా, విజయీభవ ఆర్ట్స్‌పై ప్రవీణ్ పగడాల, బోసుబాబు, ఆనంద్ రెడ్డి, మనోహర్ రెడ్డి సంయుక్తంగా ఈ సినిమాను నిర్మిస్తున్నారు.