Rajasthan Royals: ఢిల్లీ క్యాపిటల్స్ తో మ్యాచ్... రెండు మార్పులతో బరిలో దిగిన రాజస్థాన్ రాయల్స్
- షార్జాలో నేడు రాజస్థాన్ వర్సెస్ ఢిల్లీ
- టాస్ గెలిచి ఫీల్డింగ్ ఎంచుకున్న రాజస్థాన్
- రాజస్థాన్ లో జట్టులోకి వచ్చిన ఆండ్రూ టై, ఆరోన్
ఐపీఎల్ లో జోరుమీదున్న ఢిల్లీ క్యాపిటల్స్ తో ఇవాళ రాజస్థాన్ రాయల్స్ తలపడనుంది. బ్యాటింగ్ స్వర్గధామం షార్జాలో జరగనున్న ఈ మ్యాచ్ లో రాజస్థాన్ రాయల్స్ టాస్ గెలిచి ఫీల్డింగ్ ఎంచుకుంది. టోర్నీలో ఇప్పటివరకు 5 మ్యాచ్ లు ఆడి 4 విజయాలతో రాణించిన ఢిల్లీ క్యాపిటల్స్ ఈ మ్యాచ్ లో ఫేవరెట్ గా బరిలో దిగుతోంది.
సమష్టిగా ఆడుతూ సత్ఫలితాలు రాబడుతున్న ఢిల్లీ ఈ మ్యాచ్ లోనూ విజయం సాధిస్తే పాయింట్ల పట్టికలో టాప్ కు చేరుతుంది. శ్రేయాస్ అయ్యర్ నాయకత్వంలోని ఢిల్లీ క్యాపిటల్స్ ఈ మ్యాచ్ కోసం ఎలాంటి మార్పులు లేకుండానే బరిలో దిగుతోంది.
మరోవైపు, స్టీవ్ స్మిత్ సారథ్యంలోని రాజస్థాన్ రాయల్స్ కు ఈసారి టోర్నీలో నిరాశాజనకంగా సాగుతోంది. ఇప్పటివరకు 5 మ్యాచ్ లు ఆడిన రాజస్థాన్ జట్టు 3 మ్యాచ్ లలో ఓటమిపాలైంది. ఈ మ్యాచ్ కోసం టామ్ కరన్, అంకిత్ రాజ్ పుత్ లను పక్కనబెట్టారు. వారి స్థానంలో ఆండ్రూ టై, వరుణ్ ఆరోన్ తుదిజట్టులోకి వచ్చారు.
