RadheShyam: ఇటలీ వీధుల్లో ప్రభాస్ కొత్త ఫొటోలు.. వైరల్!
- ప్రభాస్, పూజ హెగ్డే కాంబినేషన్లో 'రాధేశ్యామ్'
- ఇటీవల ఇటలీలో షూటింగ్
- అక్కడ ఫొటోలు దిగిన ప్రభాస్
యంగ్ రెబల్ స్టార్ ప్రభాస్, పూజ హెగ్డే కాంబినేషన్లో రూపుదిద్దుకుంటోన్న 'రాధేశ్యామ్' సినిమా షూటింగ్ ఇటీవల ఇటలీలో జరిగిన విషయం తెలిసిందే. నెల రోజుల అనంతరం షూటింగ్ పూర్తవడంతో ఇటీవల ఈ సినిమా యూనిట్ భారత్ కు వచ్చింది. తాజాగా, ప్రభాస్‌కు సంబంధించిన కొన్ని ఫొటోలు సామాజిక మాధ్యమాల్లో కనపడుతున్నాయి.
ఇటలీలో షూటింగ్ సమయంలో ఆయన ఈ ఫొటోలు తీసుకున్నట్లు తెలుస్తోంది. కాగా, కేకే రాధాకృష్ణ కుమార్ దర్శకత్వంలో కృష్ణంరాజు సమర్పణలో యూవీ క్రియేషన్స్ ఈ సినిమాను నిర్మిస్తోంది. ప్రభాకరన్ సంగీతాన్ని సమకూరుస్తున్నారు. ఈ సినిమా నుంచి ఇప్పటికే విడుదలైన పోస్టర్లు అభిమానులను అలరించాయి. భారీ బడ్జెట్‌తో యూవీ సంస్థ నిర్మిస్తున్న ఈ సినిమా నుంచి గత నెల 23న ప్రభాస్ జన్మదినం సందర్భంగా మోషన్‌ పోస్టర్‌ను కూడా విడుదలచేశారు. తెలుగు, హిందీతో పాటు పలు భాషల్లో ఈ సినిమా విడుదల కానుంది.