KTR: సనత్ నగర్‌లో థీమ్ పార్క్ నిర్మాణానికి శంకుస్థాపన.. షటిల్, స్నూకర్ ఆడిన కేటీఆర్.. ఫొటోలు ఇవిగో
- సనత్ నగర్ లో నెహ్రూ పార్క్ లో థీమ్ పార్క్ నిర్మాణం
- స్పోర్ట్స్ కాంప్లెక్స్ ప్రారంభం
- రెండు బ్యాడ్మింటన్ కోర్టులు, జిమ్, యోగా హాల్, స్నూకర్ రూమ్
హైదరాబాద్ లోని సనత్ నగర్ లోని నెహ్రూ పార్క్ లో థీమ్ పార్క్ నిర్మాణానికి తెలంగాణ మంత్రులు కేటీఆర్, తలసాని శ్రీనివాస్ యాదవ్ కలిసి శంకుస్థాపన చేశారు. అనంతరం ఆ ప్రాంతంలో నిర్మించిన స్పోర్ట్స్ కాంప్లెక్స్ ని ప్రారంభించారు. ఇందులో రెండు బ్యాడ్మింటన్ కోర్టులు, జిమ్, యోగా హాల్, స్నూకర్ రూమ్, క్యారమ్స్, టేబుల్ టెన్నిస్ తదితర సౌకర్యాలు కల్పించారు.
ఈ సందర్భంగా తలసాని మాట్లాడుతూ.. నగరానికి తలమానికంగా సనత్ నగర్ లోని ఇండోర్ స్టేడియం ఉందని చెప్పారు. నగరాన్ని అన్ని రంగాల్లోనూ అభివృద్ధి చేస్తున్నామని చెప్పారు. అర్హులైన వారందరికీ వరద సాయం చేస్తామని తెలిపారు. పని చేసే ప్రభుత్వాన్నే ప్రజలు ఆదరించాలని చెప్పారు.
