Punjab farmers: కొనసాగుతున్న రైతుల ఆందోళన.. నడ్డా ఇంట్లో కేంద్రమంత్రుల సమావేశం
- నూతన వ్యవసాయ చట్టాలను రద్దు చేయాలని డిమాండ్
- కొనసాగుతున్న రైతుల ‘చలో ఢిల్లీ’
- రైతుల సమస్యపై చర్చ
కేంద్రప్రభుత్వం తీసుకొచ్చిన నూతన వ్యవసాయ చట్టాలకు వ్యతిరేకంగా రైతులు చేపట్టిన ఆందోళన కొనసాగుతోంది. వాటిని రద్దు చేసేంత వరకు ఆందోళన విరమించేది లేదని తేల్చి చెబుతున్నారు. ముందస్తు చర్చలపై కేంద్ర ప్రతిపాదనను కూడా తిరస్కరించారు. ఈ నేపథ్యంలో రైతుల సమస్యలపై చర్చించేందుకు కేంద్ర మంత్రులు సమావేశమయ్యారు. బీజేపీ చీఫ్ నడ్డా నివాసంలో జరిగిన ఈ సమావేశానికి మంత్రులు అమిత్ షా, రాజ్‌నాథ్ సింగ్, నరేంద్రసింగ్ తోమర్ తదితరులు పాల్గొన్నారు. ఈ సందర్భంగా రైతుల సమస్యలపై చర్చించినట్టు తెలుస్తోంది.