nepal: నేపాల్‌లో కీలక పరిణామం.. పార్లమెంటును రద్దు చేయాలని మంత్రి మండలి నిర్ణయం
- ప్రధాని కేపీ శర్మ ఓలి నిర్వహించిన అత్యవసర సమావేశంలోనే నిర్ణయం
- రాష్ట్రపతికి సిఫారసు పంపిన నేపాల్ మంత్రివర్గం
- ప్రకటన చేసిన నేపాల్ మంత్రి బార్సామన్ పున్
నేపాల్‌లో కీలక పరిణామం చోటు చేసుకుంది. నేపాల్ పార్లమెంటును రద్దు చేయాలని ఆ దేశ మంత్రి మండలి సిఫారసు చేసింది. నేపాల్ ప్రధాన మంత్రి కేపీ శర్మ ఓలి నిర్వహించిన అత్యవసర సమావేశంలోనే ఈ నిర్ణయం తీసుకోవడం గమనార్హం. దీనిపై నేపాల్ మంత్రి బార్సామన్ పున్ మీడియాకు వివరించారు. పార్లమెంటును రద్దు చేయాలంటూ మంత్రి మండలి చేసిన సిఫారసును రాష్ట్రపతికి పంపామని తెలిపారు.
ఈ ఏడాది జూన్, జులైలో నేపాల్ అధికార కమ్యూనిస్టు పార్టీలో సంక్షోభం తలెత్తిన విషయం తెలిసిందే. ఆ సమయంలోనే నేపాల్ ప్రధాని కేపీ శర్మ ఓలి రాజీనామా చేస్తారని ప్రచారం జరిగింది. అయితే, పూర్తిగా పార్లమెంటును రద్దు చేయాలంటూ నేపాల్ మంత్రి మండలి తాజాగా నిర్ణయం తీసుకోవడం గమనార్హం. దీనిపై రాష్ట్రపతి నుంచి స్పందన రావాల్సి ఉంది.
