Pushpa: అల్లు అర్జున్ 'పుష్ప' కొత్త పోస్ట‌ర్‌లో ఎడ‌మ‌కాలికి ఐదువేళ్లు.. గ‌త పోస్ట‌ర్‌లో ఆరు వేళ్లు!
- సుకుమార్, బన్నీ కాంబినేషన్‌లో 'పుష్ప'
- ఆగస్టు 13న థియేట‌ర్ల‌లో విడుద‌ల
- పోస్ట‌ర్ పై నెటిజ‌న్ల చర్చ
సుకుమార్ ద‌ర్శ‌క‌త్వంలో అల్లు అర్జున్ న‌టిస్తోన్న 'పుష్ప' సినిమా విడుద‌ల తేదీని ఆ సినిమా బృందం ఇటీవ‌లే ప్ర‌క‌టించిన విష‌యం తెల‌సిందే. ఆగస్టు 13న 'పుష్ప' చిత్రాన్ని థియేట‌ర్ల‌లో విడుద‌ల చేస్తున్న‌ట్లు తెలిపింది.
ఈ సంద‌ర్భంగా మ‌రో పోస్ట‌ర్ ను విడుద‌ల చేసింది. అయితే, గ‌తంలో విడుద‌ల చేసిన పోస్ట‌ర్, తాజాగా విడుద‌ల చేసిన పోస్ట‌ర్ లో బ‌న్నీకి సంబంధించిన ఓ విషయంలోని తేడాని నెటిజ‌న్లు గుర్తించారు. ప్ర‌స్తుతం ఈ విష‌యం హాట్ టాపిక్‌గా మారింది. తాజా పోస్ట‌ర్ లో గొడ్డ‌లి ప‌ట్టుకుని చుట్టూ త‌న బ‌లగంతో బన్నీ ఉన్నాడు.
ఈ సినిమాలో బన్నీ పుష్పరాజ్‌ అనే స్మగ్లర్‌గా క‌న‌ప‌డ‌నున్న ఆయ‌న ఎడ‌మ కాలుకి ఈ కొత్త పోస్ట‌ర్ లో ఐదు వేళ్లు మాత్రమే ఉన్నాయి. గ‌తంలో విడుద‌ల చేసిన ఫ‌స్ట్ లుక్‌లో మాత్రం ఎడ‌మ‌కాలికి ఆరు వేళ్లు ఉన్నాయి. దీంతో ఈ సినిమాలో ఆయ‌న ద్విపాత్రాభినయం చేస్తున్న‌ట్లు చర్చ జ‌రుగుతోంది. లేదంటే పోస్ట‌ర్ నే త‌ప్పుగా చిత్రీక‌రించారా? అన్న సందేహాలు వ‌స్తున్నాయి.