Tammineni Sitaram: సర్పంచ్ పదవికి పోటీ చేస్తున్న ఏపీ స్పీకర్ తమ్మినేని భార్య వాణిశ్రీ!
- తొగరాం పంచాయతీ బరిలో వాణిశ్రీ
- కుమారుడితో కలసి వచ్చి నామినేషన్
- గ్రామాభివృద్ధికి కృషి చేస్తానని హామీ
ఆంధ్రప్రదేశ్ అసెంబ్లీ సభాపతి తమ్మినేని సీతారాం భార్య వాణిశ్రీ పంచాయతీ ఎన్నికల బరిలో దిగారు. శ్రీకాకుళం జిల్లా ఆముదాల వలస మండలం తొగరాం గ్రామ పంచాయతీ సర్పంచ్ పదవికి ఆమె పోటీ పడుతున్నారు. ఈ క్రమంలో నిన్న కుమారుడు చిరంజీవి నాగ్, ఇతర మద్దతుదారులతో కలసి వెళ్లి నామినేషన్ పత్రాలను రిటర్నింగ్ అధికారికి అందించారు. ఆమెతో పాటు మరో పది మంది వార్డు మెంబర్లుగా నామినేషన్ లు దాఖలు చేశారు. ఈ సందర్భంగా ఆమె మాట్లాడుతూ, గ్రామాభివృద్ధికి కృషి చేస్తానని తెలిపారు.
