Yash: 'కేజీఎఫ్' స్టార్ యశ్ తల్లిదండ్రులకు, గ్రామస్థులకు మధ్య వివాదం.. పోలీసుల జోక్యం
- హాసన్ జిల్లాలో యశ్ కు వ్యవసాయ క్షేత్రం
- ఆ భూమికి రోడ్డును నిర్మించే క్రమంలో గొడవ
- పరిస్థితిని చక్కదిద్దిన అభిమానులు, పోలీసులు
హిట్ సినిమా 'కేజీఎఫ్' ఫేమ్, కన్నడ స్టార్ హీరో యశ్ కుటుంబీకులకు, హాసన్ జిల్లాలోని వారి గ్రామస్థులకు మధ్య చోటుచేసుకున్న వివాదం చర్చనీయాంశంగా మారింది. వివరాల్లోకి వెళ్తే కర్ణాటకలోని హాసన్ జిల్లా తిమ్మెనహల్లి గ్రామంలో యశ్ కు ఓ వ్యవసాయ క్షేత్రం ఉంది.
అయితే, ఆ భూమికి రోడ్డును నిర్మించే క్రమంలో యశ్ తల్లిదండ్రులకు, గ్రామంలోని కొందరికి మధ్య వాగ్వాదం మొదలైంది. అది కాస్తా ముదిరి పెద్ద గొడవగా మారింది. దీంతో, యశ్ అభిమానులు కొందరు రంగంలోకి దిగి పరిస్థితిని చక్కదిద్దారు. ఆ తర్వాత పోలీసులకు సమాచారం అందడంతో... వారు వెంటనే ఘటనా స్థలికి చేరుకుని ఇరు వర్గాల మధ్య సమస్యను పరిష్కరించారు.