England: టీమిండియాతో చివరి టీ20లో టాస్ గెలిచిన ఇంగ్లండ్
- అహ్మదాబాద్ లో ఐదో టీ20
- సిరీస్ లో రెండేసి మ్యాచ్ లు నెగ్గిన భారత్, ఇంగ్లండ్
- సిరీస్ విజేతను తేల్చనున్న చివరి మ్యాచ్
- టాస్ నెగ్గి బౌలింగ్ ఎంచుకున్న ఇంగ్లండ్
- కేఎల్ రాహుల్ ను జట్టు నుంచి తప్పించిన భారత్
- నటరాజన్ కు చోటు
టీమిండియా, ఇంగ్లండ్ మధ్య ఐదు మ్యాచ్ ల టీ20 సిరీస్ లో నేడు చివరి మ్యాచ్ జరగనుంది. ఈ మ్యాచ్ లో టాస్ గెలిచిన ఇంగ్లండ్ బౌలింగ్ ఎంచుకుంది. అహ్మదాబాద్ లోని నరేంద్ర మోదీ స్టేడియం ఈ మ్యాచ్ కు వేదికగా నిలుస్తోంది. ఇప్పటికే ఇరు జట్లు చెరో రెండు మ్యాచ్ లు గెలిచి సిరీస్ లో 2-2తో సమవుజ్జీలుగా నిలవడంతో ఈ మ్యాచ్ కు అత్యంత ప్రాధాన్యత ఏర్పడింది. ఈ ఐదో టీ20 మ్యాచ్ తో సిరీస్ విజేత ఎవరన్నది తేలనుంది.
కాగా ఈ మ్యాచ్ కోసం టీమిండియా కేఎల్ రాహుల్ ను తప్పించింది. యార్కర్ స్పెషలిస్ట్ నటరాజన్ తుదిజట్టులోకి వచ్చాడు. ఇక, రోహిత్ శర్మకు జోడీగా కెప్టెన్ విరాట్ కోహ్లీ ఇన్నింగ్స్ ఆరంభించే అవకాశాలు ఉన్నాయి. అటు ఇంగ్లండ్ జట్టులో ఎలాంటి మార్పులు లేవు.
