Tirupati: తిరుపతి ఎస్వీ యూనివర్సిటీ ఆవరణలో పేలిన నాటు బాంబులు
- యూనివర్సిటీ ఐ బ్లాక్ సమీపంలో పేలుడు
- శునకం, వరాహం మృత్యువాత
- ఇద్దరు వేటగాళ్ల అరెస్ట్
తిరుపతిలోని శ్రీవెంకటేశ్వర యూనివర్సిటీ ఆవరణలో ఈ ఉదయం రెండు నాటు బాంబులు పెద్ద శబ్దంతో పేలిపోయాయి. ఈ ఘటనలో ఓ శునకం, వరాహం మృతి చెందాయి. యూనివర్సిటీ ఆవరణలోని ఐ బ్లాక్ సమీపంలో ఈ పేలుడు సంభవించింది. సమాచారం అందుకున్న వెంటనే ఘటనా స్థలానికి చేరుకున్న క్యాంపస్ పోలీసులు ఆ ప్రాంతంలో తనిఖీలు చేపట్టారు. ఇంకేమైనా బాంబులు ఉన్నాయేమోనని క్షుణ్ణంగా గాలించారు. అడవి పందులను వేటాడేందుకే బాంబులను అక్కడ పెట్టినట్టు గుర్తించిన పోలీసులు ఇద్దరు వేటగాళ్లను అదుపులోకి తీసుకున్నారు. కేసు నమోదు చేసుకుని దర్యాప్తు చేస్తున్నారు.