Hyderabad: హైదరాబాద్‌లోని ఎల్బీనగర్ లో ట్రాఫిక్ జామ్
- ఎన్టీఆర్ నగర్ కూరగాయల మార్కెట్ వ‌ద్ద రైతుల ఆందోళ‌న
- కొత్తపేటలోని పండ్ల మార్కెట్ కు వెళ్లే వాహనాలు ఎన్టీఆర్ నగర్ లోకి వ‌స్తున్నాయ‌ని నిర‌స‌న
- ప్రతి రోజు కూరగాయలను విక్ర‌యించుకోలేక‌పోతున్నామ‌ని మండిపాటు
- రోడ్డుపై కూరగాయలు పార‌బోసిన వైనం
హైదరాబాద్‌లోని ఎల్బీనగర్ ప‌రిస‌ర ప్రాంతాల్లో ట్రాఫిక్ జామ్ నెల‌కొంది. అక్క‌డి ఎన్టీఆర్ నగర్ కూరగాయల మార్కెట్ వ‌ద్ద రైతులు రోడ్డుపై కూరగాయలు పారబోసి ఆందోళనకు దిగడంతో ఈ ప‌రిస్థితి నెల‌కొంది. కొత్తపేటలోని పండ్ల మార్కెట్ కు వెళ్లే వాహనాలు ఎన్టీఆర్ నగర్ లోకి వ‌స్తుండ‌డంతో ప్ర‌తిరోజు భారీగా ట్రాఫిక్ జామ్ ఏర్పడుతోందని, ఈ కార‌ణంగా తాము న‌ష్ట‌పోతున్నామ‌ని, ప్రతి రోజు కూరగాయలను విక్ర‌యించుకోలేక‌పోతున్నామ‌ని రైతులు అంటున్నారు. వారు ఆందోళనకు దిగడంతో రహదారిపై వాహనాల రాకపోకలకు తీవ్ర అంతరాయం నెల‌కొంది. దీంతో అక్క‌డ‌కు చేరుకున్న పోలీసులు రైతుల‌కు న‌చ్చ‌జెప్పి ట్రాఫిక్ ఇబ్బందులను తొల‌గించే ప్ర‌య‌త్నం చేస్తున్నారు.