Ram: మరో రికార్డును సెట్ చేసిన 'ఇస్మార్ట్ శంకర్'

వరుస పరాజయాలతో ఉక్కిరిబిక్కిరి అవుతున్న రామ్, తేలికగా ఊపిరి పీల్చుకునేలా చేసిన సినిమా 'ఇస్మార్ట్ శంకర్. పూరి జగన్నాథ్ దర్శకత్వం వహించిన ఈ సినిమాలో, రామ్ జోడీగా నభా నటేశ్ - నిధి అగర్వాల్ అలరించారు. మణిశర్మ సంగీతం ఈ సినిమాకి ప్రత్యేకమైన ఆకర్షణగా నిలిచింది. మాస్ ఆడియన్స్ కి ఒక రేంజ్ లో కనెక్ట్ అయిన ఈ సినిమా, వసూళ్ల పరంగా కొత్త రికార్డులను క్రియేట్ చేసింది. అప్పటివరకూ వరుస ఫ్లాపులతో సతమతమవుతున్న పూరిని, నిర్మాతగా కూడా ఈ సినిమా గట్టెక్కించింది.

అలాంటి 'ఇస్మార్ట్ శంకర్' హిందీ డబ్ వెర్షన్ కూడా అనేక రికార్డులను సొంతం చేసుకుంది. తాజాగా ఈ సినిమా 200 మిలియన్ల వ్యూస్ ను కొల్లగొట్టేసి మరో రికార్డును నమోదు చేసింది. రామ్ ఇంతవరకూ చేసిన సినిమాల్లో వ్యూస్ పరంగా 200 మిలియన్ల మార్కును అందుకున్న సినిమాలు మూడు ఉన్నాయి. తాజాగా ఆ సినిమాల సరసన 'ఇస్మార్ట్ శంకర్' కూడా చేరింది. దాంతో ఆయన అభిమానులు ఫుల్ ఖుషీ అవుతున్నారు. ప్రస్తుతం రామ్ .. లింగుస్వామి దర్శకత్వంలో ఒక సినిమా చేస్తున్న సంగతి తెలిసిందే.