Jagan: సీఎం జగన్ పోలవరం పర్యటన ఖరారు
- ఈ నెల 19న పోలవరానికి సీఎం జగన్
- ప్రాజెక్టు పనుల పరిశీలన
- అధికారులతో సమీక్ష సమావేశం
- కొన్నిరోజుల కిందట సీఎం పోలవరం పర్యటన వాయిదా
ఏపీ సీఎం జగన్ ఇటీవల పోలవరం ప్రాజెక్టును సందర్శించాలనుకున్నప్పటికీ వాతావరణం అనుకూలించకపోవడంతో ఆ పర్యటన వాయిదా పడింది. తాజాగా ఆయన పోలవరం పర్యటన ఖరారైంది. ఈ నెల 19న పశ్చిమ గోదావరి జిల్లా పోలవరం వెళ్లాలని నిర్ణయించుకున్నారు. ప్రాజెక్టు వద్ద జరుగుతున్న పనులను పరిశీలించిన అనంతరం, అధికారులతో సమీక్ష సమావేశం నిర్వహిస్తారు.
సీఎం పర్యటన షెడ్యూల్ ఇదే...
- సోమవారం ఉదయం 10.10 గంటలకు తాడేపల్లి నుంచి హెలికాప్టర్ లో పయనం.
- ఉదయం 11 గంటలకు పోలవరం చేరిక.
- కాఫర్ డ్యామ్, ప్రాజెక్టు వివిధ భాగాల సందర్శన
- ఆపై మధ్యాహ్నం 12 గంటల నుంచి 1 గంట వరకు అధికారులతో సమీక్ష
- మధ్యాహ్నం 1.20 గంటలకు హెలికాప్టర్ లో తాడేపల్లికి తిరుగు పయనం.