TDP: చుట్టూ మంటలు... మధ్యలో టీడీపీ కార్యకర్తల నిరసన... వీడియో ఇదిగో!
- దేశవ్యాప్తంగా పెరిగిన చమురు ధరలు
- రాష్ట్రంలోనూ మండుతున్న పెట్రోల్, డీజిల్ ధర
- నెల్లూరు టీడీపీ కార్యకర్తల సాహసోపేత నిరసన
- అందరి దృష్టిని ఆకర్షించిన వైనం
పెట్రోల్, డీజిల్, గ్యాస్ ధరలు విపరీతంగా పెరిగిన నేపథ్యంలో నెల్లూరులో టీడీపీ కార్యకర్తలు వినూత్న రీతిలో, కాస్తంత సాహసోపేతమైన పద్ధతిలో నిరసన చేపట్టారు. నెల్లూరు పట్టణంలో రద్దీగా ఉండే ఓ కూడలిలో రోడ్డుపై వలయాకారంలో మంటలు వేశారు.
చుట్టూ మంటలు... ఆ మధ్యలో టీడీపీ కార్యకర్తలు ప్లకార్డులతో నిరసనలు నిర్వహించారు. ఇది అందరి దృష్టిని ఆకర్షించింది. ఇది ఎంతో ప్రమాదకరమైన విధానం అయినప్పటికీ, టీడీపీ శ్రేణులు ఎక్కడా వెనుకంజ వేయకుండా తమ ఆందోళన కొనసాగించారు. దీనికి సంబంధించిన వీడియో సోషల్ మీడియాలో దర్శనమిస్తోంది.
