Koushik Reddy: టీఆర్ఎస్ లో చేరనున్న కౌశిక్ రెడ్డి
- రేపు కేసీఆర్ సమక్షంలో గులాబీ కండువా కప్పుకోనున్న కౌశిక్ రెడ్డి
- ఇటీవల కాంగ్రెస్ కు గుడ్ బై చెప్పిన వైనం
- హుజూరాబాద్ ఉపఎన్నికలో టీఆర్ఎస్ టికెట్ దక్కే అవకాశం
ఇటీవలే కాంగ్రెస్ పార్టీకి రాజీనామా చేసిన కౌశిక్ రెడ్డి టీఆర్ఎస్ లో చేరబోతున్నారు. రేపు మధ్యాహ్నం ముఖ్యమంత్రి కేసీఆర్ సమక్షంలో ఆయన గులాబీ కండువా కప్పుకోబోతున్నారు. ఈ విషయంపై పూర్తి వివరాలను అందించేందుకు హైదరాబాద్ కొండాపూర్ లోని తన నివాసంలో ఈరోజు ఆయన మీడియా సమావేశాన్ని ఏర్పాటు చేయబోతున్నారు.
హుజూరాబాద్ ఉపఎన్నికలో టీఆర్ఎస్ టికెట్ తనకే వస్తుందంటూ కౌశిక్ రెడ్డి మాట్లాడిన ఆడియో సంచలనం రేపిన సంగతి తెలిసిందే. ఈ నేపథ్యంలో కాంగ్రెస్ పార్టీ నాయకత్వం ఆయనపై ఆగ్రహం వ్యక్తం చేయడమే కాక, షోకాజ్ నోటీసులు జారీ చేసింది. అయితే, నోటీసులకు సమాధానాలు కూడా ఇవ్వకుండానే ఆ పార్టీకి ఆయన రాజీనామా చేశారు. తాజాగా టీఆర్ఎస్ లో చేరబోతున్నారు. హుజూరాబాద్ టికెట్ ఆయనకే దక్కుతుందని ఆయన అనుచరులు ధీమా వ్యక్తం చేస్తున్నారు.