Narendra Modi: వైట్ హౌస్ లో అమెరికా అధ్యక్షుడు బైడెన్ తో మోదీ సమావేశం
- అమెరికాలో మోదీ పర్యటన
- బైడెన్, మోదీ మధ్య తొలి ద్వైపాక్షిక భేటీ
- ఓవల్ ఆఫీసులో సమావేశం
- కలిసి పనిచేస్తామన్న బైడెన్
ప్రధాని నరేంద్ర మోదీ అమెరికా పర్యటనలో భాగంగా దేశాధ్యక్షుడు జో బైడెన్ తో సమావేశమయ్యారు. వైట్ హౌస్ లోని ఓవల్ ఆఫీసు ఈ అగ్రస్థాయి భేటీకి వేదికగా నిలుస్తోంది. బైడెన్ అమెరికా అధ్యక్షుడయ్యాక భారత ప్రధానితో ఇదే తొలి ద్వైపాక్షిక సమావేశం. ప్రధానంగా రక్షణ, భద్రత, వాణిజ్యం, ద్వైపాక్షిక అంశాలు, అంతర్జాతీయ వ్యవహారాలు, పెట్టుబడులు, ఉగ్రవాద నిర్మూలన, ఆఫ్ఘనిస్థాన్ పరిణామాలు, వాతావరణ మార్పులు చర్చించినట్టు తెలుస్తోంది.
ఈ సందర్భంగా బైడెన్ మాట్లాడుతూ, భారత్-అమెరికా బంధం మరింత బలోపేతం కావాలని ఆకాంక్షించారు. కొవిడ్, వాతావరణ మార్పులు, ఇతర సమస్యలపై కలిసి పనిచేస్తామని ఉద్ఘాటించారు. ఇండో-పసిఫిక్ ప్రాంతంలో స్వేచ్ఛ కోసం భాగస్వాములం అవుతామని వెల్లడించారు.
