Varudu Kavalenu: దసరాకు వస్తున్న 'వరుడు కావలెను'
- నాగశౌర్య, రీతూవర్మ జంటగా 'వరుడు కావలెను'
- లక్ష్మీ సౌజన్య దర్శకత్వం
- అక్టోబరు 15న విడుదల
- ప్రకటించిన చిత్రబృందం
ఇటీవల టాలీవుడ్ లో మహిళా దర్శకుల సంఖ్య క్రమంగా పెరుగుతోంది. అలాంటివారిలో లక్ష్మీ సౌజన్య ఒకరు. ఆమె దర్శకత్వం వహించిన 'వరుడు కావలెను' చిత్రం విడుదలకు సిద్ధమైంది. విజయదశమి కానుకగా అక్టోబరు 15న ఈ యూత్ ఫుల్ ఎంటర్టయినర్ చిత్రం ప్రేక్షకుల ముందుకు వస్తోంది.
ఈ మేరకు చిత్రబృందం ప్రకటించింది. ఈ చిత్రంలో నాగశౌర్య, రీతూవర్మ జంటగా నటించారు. పీడీవీ ప్రసాద్ సమర్పణలో సితార ఎంటర్టయిన్ మెంట్స్ బ్యానర్ పై ఈ సినిమా తెరకెక్కింది. విశాల్ చంద్రశేఖర్ స్వరపరిచిన పాటలు ఇప్పటికే ప్రజాదరణ పొందాయి.
