Ambati Rayudu: రాయుడు అర్ధసెంచరీ... చెన్నై సూపర్ కింగ్స్ 136-5
- ఐపీఎల్ లో ఢిల్లీ వర్సెస్ చెన్నై
- మొదట బ్యాటింగ్ చేసిన చెన్నై
- 55 పరుగులతో అజేయంగా నిలిచిన రాయుడు
- రాణించిన ఢిల్లీ బౌలర్లు
ఐపీఎల్ లో ఢిల్లీ క్యాపిటల్స్ తో మ్యాచ్ లో చెన్నై జట్టు స్వల్ప స్కోరుకే పరిమితమైంది. మిడిలార్డర్ బ్యాట్స్ మన్ అంబటి రాయుడు (55 నాటౌట్) అజేయ అర్ధసెంచరీ సాధించగా, నిర్ణీత 20 ఓవర్లలో చెన్నై జట్టు 5 వికెట్లకు 136 పరుగులు చేసింది. ఊతప్ప 19, ధోనీ 18, గైక్వాడ్ 13, డుప్లెసిస్ 10 పరుగులు చేశారు.
గత కొన్ని మ్యాచ్ ల్లో విశేషంగా రాణిస్తున్న ఢిల్లీ బౌలర్లు ఈ మ్యాచ్ లోనూ రాణించారు. అక్షర్ పటేల్ 2, నోర్జే 1, ఆవేశ్ ఖాన్ 1, అశ్విన్ 1 వికెట్ తీశారు. చెన్నై బ్యాట్స్ మెన్ కు భారీ షాట్లు కొట్టే అవకాశం ఇవ్వకుండా కట్టడి చేశారు.
చెన్నై లైనప్ లో రాయుడు మాత్రం ఢిల్లీ బౌలర్లపై ఎదురుదాడికి దిగాడు. 43 బంతులాడిన రాయుడు 5 ఫోర్లు, 2 సిక్సులు బాదాడు. అనంతరం స్వల్ప లక్ష్యఛేదనలో ఢిల్లీ జట్టు 24 పరుగుల వద్ద తొలి వికెట్ కోల్పోయింది. 18 పరుగులు చేసిన పృథ్వీ షా... దీపక్ చహర్ బౌలింగ్ లో వెనుదిరిగాడు.