Teenmaar Mallanna: రూ. 5 లక్షలు డిమాండ్ చేశాడంటూ కల్లు వ్యాపారి ఫిర్యాదు.. తీన్మార్ మల్లన్నపై మరో కేసు
- వరుస కేసులతో తీన్మార్ మల్లన్న ఉక్కిరిబిక్కిరి
- కల్లు వ్యాపారి ఫిర్యాదుపై ఉప్పు సంతోష్ అరెస్ట్
- జైలులో ఉన్న మల్లన్నకు త్వరలో పీటీ వారెంట్ జారీ
వరుస కేసులతో ఉక్కిరిబిక్కిరి అవుతున్న తీన్మార్ మల్లన్న అలియాస్ చింతపండు నవీన్‌పై నిజామాబాద్ జిల్లాలో మరో కేసు నమోదైంది. తన నుంచి తీన్మార్ మల్లన్న రూ. 5 లక్షలు, ఉప్పు సంతోష్ రూ. 20 లక్షలు డిమాండ్ చేశారంటూ నిజామాబాద్‌కు చెందిన ఓ కల్లువ్యాపారి పోలీసులకు ఫిర్యాదు చేశారు. కేసు నమోదు చేసిన పోలీసులు సంతోష్‌ను ఎ1గా, నవీన్‌ను ఎ2గా చేర్చారు. అనంతరం సంతోష్‌ను అరెస్ట్ చేసి రిమాండ్‌కు తరలించారు. కాగా, ఓ కేసులో ఇప్పటికే జైలులో ఉన్న మల్లన్నకు ఈ కేసులో పీటీ వారెంట్ చేయనున్నట్టు పోలీసులు వర్గాలు తెలిపాయి.