Padmarao: మెగాస్టార్ చిరంజీవిని కలిసి శుభలేఖ అందించిన డిప్యూటీ స్పీకర్ పద్మారావు
- పద్మారావు చిన్న కుమార్తె వివాహం
- ఈ నెల 11న పరిణయ మహోత్సవం
- ప్రముఖులను ఆహ్వానిస్తున్న డిప్యూటీ స్పీకర్
- నిన్న సీఎం కేసీఆర్ కు పెళ్లి పత్రిక అందజేత
తెలంగాణ అసెంబ్లీ డిప్యూటీ స్పీకర్ టి.పద్మారావు నేడు టాలీవుడ్ మెగాస్టార్ చిరంజీవిని కలిశారు. ఈ నెల 11న తన చిన్న కుమార్తె మౌనిక వివాహం జరగనుందని, ఈ పరిణయ మహోత్సవానికి తప్పకుండా రావాలని చిరంజీవిని ఆహ్వానించారు. చిరంజీవికి పెళ్లి పత్రికను అందజేశారు. కాగా, పద్మారావు నిన్న సీఎం కేసీఆర్ ను ప్రగతి భవన్ లో కలిశారు. కుమార్తె పెళ్లికి విచ్చేసి వధూవరులను ఆశీర్వదించాలని కోరారు.
