Mahesh Babu: బాలకృష్ణ టాక్ షోలో మహేశ్ బాబు సందడి
- ఆహా ఓటీటీలో 'అన్ స్టాపబుల్' టాక్ షో
- హోస్ట్ గా బాలకృష్ణ
- తాజా ఎపిసోడ్ లో మహేశ్ బాబుతో ఇంటర్వ్యూ
- నెట్టింట సందడి చేస్తున్న ఫొటోలు
టాలీవుడ్ అగ్రహీరో నందమూరి బాలకృష్ణ ఓటీటీ రంగంలోనూ తనదైన ముద్ర వేస్తున్నారు. ఆయన 'ఆహా' ఓటీటీలో ప్రసారమయ్యే 'అన్ స్టాపబుల్' అనే టాక్ షోకి హోస్ట్ గా వ్యవహరిస్తుండడం తెలిసిందే. ఈ టాక్ షోలో ఇప్పటివరకు మోహన్ బాబు, నాని తదితరులు విచ్చేసి కార్యక్రమాన్ని రక్తి కట్టించారు.
తాజా ఎపిసోడ్ కు టాలీవుడ్ సూపర్ స్టార్ మహేశ్ బాబు వచ్చారు. ఈ ఇంటర్వ్యూకి సంబంధించిన షూటింగ్ పూర్తయింది. బాలయ్యతో సరదాగా గడిచిందని షూటింగ్ అనంతరం మహేశ్ బాబు వెల్లడించారు. దీనికి సంబంధించిన ఫొటోలు నెట్టింట సందడి చేస్తున్నాయి. త్వరలోనే ఈ ఎపిసోడ్ 'ఆహా' ఓటీటీ వేదికపై స్ట్రీమింగ్ కానుంది.
