Amit Shah: కేసీఆర్ పై ఇక యుద్ధమే... తెలంగాణ బీజేపీ శ్రేణులకు అమిత్ షా దిశానిర్దేశం
- అసెంబ్లీ ఎన్నికలకు ఇప్పటినుంచే బీజేపీ సమాయత్తం
- కేసీఆర్ అవినీతిని బయటపెట్టాలన్న అమిత్ షా
- బియ్యం కుంభకోణాన్ని బట్టబయలు చేయాలని సూచన
- ఇకపై తెలంగాణలో తరచుగా పర్యటిస్తానని వెల్లడి
వచ్చే అసెంబ్లీ ఎన్నికల్లో నెగ్గి ప్రభుత్వాన్ని ఏర్పాటు చేయాలని తహతహలాడుతున్న తెలంగాణ బీజేపీ శ్రేణులకు పార్టీ అగ్రనేత అమిత్ షా దిశానిర్దేశం చేశారు. కేసీఆర్ పై యుద్ధం చేయాలని, టీఆర్ఎస్ తో అమీతుమీకి సిద్ధం కావాలని పిలుపునిచ్చారు. బియ్యం కుంభకోణాన్ని బయటపెట్టాలని, కేసీఆర్ అవినీతికి సంబంధించిన విషయాలను ప్రజలకు వివరించాలని సూచించారు.
హుజూరాబాద్ తరహాలోనే రాబోయే ఎన్నికల్లోనూ బీజేపీ విజయభేరి మోగించాలని అమిత్ షా స్పష్టం చేశారు. కేసీఆర్ కు వ్యతిరేకంగా మీరు చేయాల్సింది మీరు చేయండి... ప్రభుత్వ పరంగా ఏంచేయాలో మాకు వదిలేయండి అని ఉద్బోధించారు. ఇకపై తెలంగాణలో తరచుగా పర్యటిస్తానని పార్టీ వర్గాలకు హామీ ఇచ్చారు.
