autograph: బట్టతలపై ఆటోగ్రాఫ్ ఇచ్చిన క్రికెట‌ర్.. వీడియో వైర‌ల్
- ఆస్ట్రేలియా, ఇంగ్లండ్ మధ్య సిడ్నీలో టెస్టు
- ఆ స‌మ‌యంలో ఇంగ్లండ్ ఫీల్డర్ జాక్ లీచ్ ఆటోగ్రాఫ్
- మైదానంలోని లైవ్ స్క్రీన్‌ లో దృశ్యాల ప్రసారం
సాధార‌ణంగా క్రికెట‌ర్లు, సినీ తార‌ల నుంచి వారి అభిమానులు ఆటోగ్రాఫ్ బుక్స్ లో ఆటోగ్రాఫ్‌లు తీసుకుంటారు. అయితే, తాజాగా ఆస్ట్రేలియాలోని సిడ్నీ మైదానంలో ఓ అభిమాని బ‌ట్ట‌త‌ల‌పైనే క్రికెట‌ర్ ఆటోగ్రాఫ్ ఇచ్చాడు. ఇందుకు సంబంధించిన వీడియో వైర‌ల్ అవుతోంది.
ఆస్ట్రేలియా, ఇంగ్లండ్ మధ్య సిడ్నీలో నిన్న నాలుగో టెస్టు ప్రారంభ‌మైంది. అయితే దానికి వ‌రుణుడు ఆటంకాలు క‌లిగించాడు. ఆ స‌మ‌యంలో ఇంగ్లండ్ ఫీల్డర్ జాక్ లీచ్‌ను ఆటోగ్రాఫ్ ఇవ్వాలని కొంద‌రు అభిమానులు కోరారు. దీంతో బౌండరీ లైన్ వద్ద ఫీల్డింగ్ చేస్తున్న జాక్ లీచ్ ఓ అభిమాని వ‌ద్ద‌కు వెళ్లి అత‌డి బట్టతలపై ఆటోగ్రాఫ్ ఇచ్చాడు. దీంతో ఆశ్చర్యపోవడం అక్కడున్న వారివంతైంది. ఈ దృశ్యాల‌ను మైదానంలోని లైవ్ స్క్రీన్‌ లో కూడా చూపించారు.
