Rajeev Saluru: రానా రిలీజ్ చేసిన 11:11 మోషన్ పోస్టర్!
- హీరోగా కోటి తనయుడు రాజీవ్
- కథానాయికగా వర్ష విశ్వనాథ్
- సంగీత దర్శకుడిగా మణిశర్మ
- త్వరలోనే ప్రేక్షకుల ముందుకు
బలమైన సినిమా నేపథ్యం నుంచి ఇప్పుడు మరో హీరో కొత్తగా తెలుగు ఇండస్ట్రీకి పరిచయమవుతున్నాడు. ఆ హీరో పేరే రాజీవ్ సాలూరు. ఈ కుర్రాడు సంగీత దర్శకుడు కోటి తనయుడు .. అనేక తెలుగు సినిమాలకు సూపర్ హిట్ సాంగ్స్ ను అందించిన సాలూరు రాజేశ్వరరావుకి మనవడు.
రాజీవ్ హీరోగా 11:11 అనే సినిమా రూపొందింది. వీరేశ్ నిర్మించిన ఈ సినిమాకి కిట్టూ నల్లూరి దర్శకుడిగా వ్యవహరించాడు. ఈ సినిమా నుంచి రానా చేతుల మీదుగా కొంతసేపటి క్రితం మోషన్ పోస్టర్ ను రిలీజ్ చేశారు. హీరోగా రాజీవ్ లుక్ బాగుంది. ఈ సినిమాతో తెలుగు తెరకి వర్ష విశ్వనాథ్ కథానాయికగా పరిచయమవుతోంది.
ఈ సినిమాకి మణిశర్మ సంగీతాన్ని అందించారు. ఆయన సంగీతం ఈ సినిమాకి ప్రత్యేకమైన ఆకర్షణగా నిలుస్తుందని అంటున్నారు. సంగీతం నేపథ్యంగా ఉన్న ఫ్యామిలీ నుంచి వచ్చిన కీరవాణి తనయుడు హీరోగా నిలదొక్కుకోవడానికి ట్రై చేస్తున్నాడు. ఇక కోటి తనయుడు ఎన్ని మార్కులు కొట్టేస్తాడో చూడాలి.