Heli Song: యూట్యూబ్ లో దూసుకుపోతున్న సెబాస్టియన్ చిత్రంలోని 'హేలి' సాంగ్
- కిరణ్ అబ్బవరం హీరోగా 'సెబాస్టియన్ పీసీ 524'
- బాలాజీ సయ్యపురెడ్డి దర్శకత్వంలో చిత్రం
- నిన్న హేలి సాంగ్ రిలీజ్
- కొన్ని గంటల్లోనే మిలియన్ వ్యూస్
యువ హీరో కిరణ్ అబ్బవరం నటిస్తున్న తాజా చిత్రం సెబాస్టియన్ పీసీ 524. ఈ చిత్రం నుంచి హేలి అనే సాంగ్ నిన్న రిలీజైంది. ఈ పాటకు ఆడియన్స్ నుంచి విశేష స్పందన లభిస్తోంది. విడుదలైన కొన్ని గంటల్లోనే ఈ పాట మిలియన్ వ్యూస్ దాటింది. 'నీ మాట వింటే రాదా మైమరపే..' అంటూ సాగే ఈ గీతాన్ని కపిల్ కపిలన్ ఆలపించారు. భరద్వాజ్ పాత్రుడు సాహిత్యం అందించారు. ఈ సినిమాకు జిబ్రాన్ సంగీత దర్శకుడు.
ఇందులో కిరణ్ అబ్బవరం సరసన నువేక్ష, కోమలీ ప్రసాద్ నటించారు. సెబాస్టియన్ పీసీ 524 చిత్రానికి బాలాజీ సయ్యపురెడ్డి దర్శకత్వం వహించారు. జోవితా సినిమాస్ బ్యానర్ పై సిద్ధారెడ్డి, బి.రాజు, ప్రమోద్ నిర్మించారు.
