RRR: నేడు చిక్క బళ్లాపూర్ లో 'ఆర్ఆర్ఆర్' ప్రీ రిలీజ్ ఈవెంట్... చాలా రోజుల తర్వాత అందరినీ కలవబోతున్నామన్న రాజమౌళి
- ఈ నెల 25న ఆర్ఆర్ఆర్ రిలీజ్
- నిన్నటి నుంచి ప్రమోషన్ ఈవెంట్లు
- దుబాయ్ వెళ్లొచ్చిన రాజమౌళి, రామ్ చరణ్, ఎన్టీఆర్
- నేడు కర్ణాటకలో వేడుక... హాజరుకానున్న సీఎం
విడుదల తేదీ (మార్చి 25) దగ్గరపడుతున్న కొద్దీ ఆర్ఆర్ఆర్ ప్రచారం ఉద్ధృతమవుతోంది. ఇవాళ చిత్రబృందం కర్ణాటకలోని చిక్క బళ్లాపూర్ లో భారీ ప్రీ రిలీజ్ ఈవెంట్ కు సన్నద్ధమవుతోంది. దీనిపై ఆర్ఆర్ఆర్ దర్శకుడు రాజమౌళి ఓ వీడియో సందేశం వెలువరించారు. ఎగ్జయిట్ మెంట్ ఆపుకోలేకపోతున్నామని తెలిపారు. ఇవాళ రాత్రి బిగ్ ఈవెంట్ జరగనుందని, ఎన్నో సంవత్సరాల తర్వాత అందరినీ కలవబోతున్నామని తెలిపారు. కర్ణాటక సీఎం కూడా ఈ కార్యక్రమానికి వస్తుండడంతో ఎంతో ఉద్విగ్నతకు గురవుతున్నామని అన్నారు.
రాజమౌళి, ఎన్టీఆర్, రామ్ చరణ్ కాంబినేషన్ లో తెరకెక్కిన చిత్రం ఆర్ఆర్ఆర్. ఈ నెల 18 నుంచి చిత్రబృందం ప్రమోషన్ కార్యక్రమాలను ముమ్మరం చేసింది. ఈ నెల 22 వరకు వివిధ నగరాల్లో ప్రచార కార్యక్రమాల్లో పాల్గొననుంది. నిన్న రాజమౌళి, ఎన్టీఆర్, రామ్ చరణ్ దుబాయ్ లోనూ సందడి చేశారు.