ICC Womens World Cup 2022: దంచికొట్టిన స్మృతి, షెఫాలీ, మిథాలీ.. దక్షిణాఫ్రికా ఎదుట కొండంత లక్ష్యం
- తప్పక గెలవాల్సిన మ్యాచ్‌లో చెలరేగిన బ్యాటర్లు
- మిథాలీ కెప్టెన్ ఇన్నింగ్స్
- గెలిస్తే నేరుగా సెమీస్‌కు
తప్పక గెలవాల్సిన మ్యాచ్‌లో భారత అమ్మాయిలు దుమ్మురేపారు. మహిళల ప్రపంచకప్‌లో భాగంగా దక్షిణాఫ్రికాతో జరిగిన మ్యాచ్‌లో చెలరేగిపోయారు. తొలుత స్మృతి మంధాన, షెఫాలీ వర్మ బ్యాట్‌తో విధ్వంసం సృష్టించగా, ఆ తర్వాత కెప్టెన్ మిథాలీ రాజ్, హర్మన్‌ప్రీత్ కౌర్ సఫారీ బౌలర్లపై నిర్దాక్షిణ్యంగా విరుచుకుపడ్డారు. ఫలితంగా నిర్ణీత 50 ఓవర్లలో ఏడు వికెట్ల నష్టానికి 274 పరుగులు చేసి సఫారీలకు భారీ లక్ష్యాన్ని నిర్దేశించింది.
ఈ మ్యాచ్‌లో భారత్ గెలిస్తే నేరుగా సెమీస్‌కు చేరుకుంటుంది. ఇప్పటి వరకు ఆరు మ్యాచ్‌లు ఆడిన ఇండియా మూడింటిలో గెలిచి ఆరు పాయింట్లతో ఐదో స్థానంలో ఉంది. ఈ మ్యాచ్‌లో గెలిస్తే 8 పాయింట్లతో మూడో స్థానానికి చేరుకుంటుంది. ప్రస్తుతం ఆ స్థానంలో ఏడు పాయింట్లతో వెస్టిండీస్ ఉంది. రన్ రేట్ కూడా మైనస్‌లలో ఉండడంతో భారత్ నేరుగా సెమీస్‌కు చేరుకుంటుంంది.